تأهيل عسكري ||شرح مفصل للكشف الطبى المتقدم
السلام عليكم ورحمة الله وبركاته أحبتى فى الله ، أقدم لكم اليوم شرح تفصيلى للكشف الطبى المتقدم للكلية الحربية وكلية الشرطة (هما زي بعض)، وبعض النصائح التى تساعدك فى اجتيازه ان شاء الله ، وهقدم لكم بعض النصايح الل هتساعدك بشكل كبير جدا. أتمنى لكم التوفيق.
اى هو الكشف (العرض) الطبى المتقدم :-
العرض الطبى المتقدم بيكون نفس الكشف الطبى الل فات مع إضافة عليه كشف المدى السمعي، والتحاليل، وكمان كشف عن التشوهات فى الجسم .
طيب احنا عارفين الكشف عن التشوهات ..اى هو كشف المدى السمعى ؟
كشف المدى السمعى اختبار سهل جدا متقلقوش خالص هو بيكون عبارة عن إنك بتقعد فى أوضة صغيره كده ، وموجود سماعات قدامك بتلبسها ، وبيكون فى دكتور واقف بره بيقولك لو سمعت الصوت من ودنك اليمين ارفع ايدك اليمين ولو سمعت صوت من ودنك الشمال ارفع ايدك الشمال . الموضوع محتاج إنك تقعد هادى خالص وتركز بس وزي م قلت الاختبار ده سهل متقلقوش منه خالص .
طب بالنسبة للتحاليل ..هنعمل تحاليل ليه؟
التحاليل ده الكشف الطبى التانى وكل الطلاب بتمر بيه ، والكشف ده أساسى فى كل الكليات العسكرية . التحاليل دى بتتعمل عشان يتأكدو من عدم وجود تلوث فى الدم أو الإصابة بفيرس مثلا وبيتعمل بسرعه فى يوم واحد بس .
اى الهدف من عمل عرض طبى عام :-
الهدف بسيط جدا باختصار كده زي زيادة تأكيد على الكشف الطبى ،وغرضه الاطمئنان على سلامة الطالب والتأكيد على عدم إصابته أثناء الفترة ما بين الكشف الطبى والكشف الطبى المتقدم وعشان لو فى حاجه اتفوتت فى الكشف الطبى العادى أو نسى كشف.عشان كده بيكون دقيق شوية ومفيش التماس فى الكشف الطبى المتقدم يعنى سقوطك فى أي كشف يبقى مش هتكمل اختبارات للأسف.
شاهد ايضا .. الكشف الطبى بالتفصيل وازاي تعدى منه وتنجح فيه
ملحوظة (1) : ميعاد الكشف هيجيلك فى رسالة الهيئة لو أصبحت لائق ان شاء الله وغالبا الميعاد بيكون الساعه ٦ الصبح ولما الكشف يخلص كل واحد هيعرف نتيجته فى نفس اليوم والل هينجح هيعرفوه ميعاد الرياضى المتقدم واخر شئ معلومات عن مصر وبعد كده انتظار النتيجة النهائية.
ملحوظة (2) : بعد الانتهاء من العرض الطبى المتقدم مش بتعرف النتيجة فى نفس اليوم ولكن لو عايز تعرف إنت نجحت ولا لأ شوف لو عديت اليوم من غير ما ياخدو منك الكارت او محدش سألك على اسمك يبقى انت كده ناجح وفى السليم ان شاء الله.
نصائح هتساعدك فى اجتياز الاختبار بنجاح :
عدم تناول أيا من المنشطات أو أي أدوية عشان هتأثر عليك فى التحاليل.
مش تسهر كتير عشان مش تتعب تانى يوم وده هيأثر عليك سلبا.
والأفضل إنك تكون صائم وانت رايح الإختبار.
يلزم حلق شعر الرأس والإبط والعانة .
إحضار سلب أبيض سبعة للكشف.
مش تنسى تاخد معاك كارت التردد والبطاقة الشخصية.
وربنا يوفقكم جميعا....شاهد أيضا.. اختبار السمات وازاي تنجح فيه
Tags
أخبار