شرح مفصل للكشف الطبى للكلية الحربية:-
السلام عليكم ورحمة الله وبركاته أينما كنتم ، فى المقالة دى هقدم شرح تفصيلى للكشف الطبى ، وبعض النصائح التى تساعدك فى اجتيازه ان شاء الله .
ميعاد الكشف الطبى :-
لما بتجيلك رسالة اجتياز اختبار السمات بالنجاح إن شاء الله بيبقا مكتوب فيها ميعاد الكشف الطبى ،ومينفعش تتأخر عن الميعاد ده لو كنت بتقدم شرطة فى نفس السنه وعليك فى نفس اليوم اختبار ف الشرطة وفى اختبار طبى فى الحربية ،متروحش شرطة النهاردة وروح حربية فى اليوم ده خلص الاختبار وابقى روح تانى يوم اختبارات الشرطة وقولهم إنك كان عندك امتحان فى الحربية ومتقلقش هيختبروك عادى .
■ ملحوظة :- لازم تشترى سليب أبيض سبعة عشان تمتحن بيه ويكون معاك كارت البطاقه و كارت التردد وتاخد فلوس بزياده معك، وتحلق من فوق لتحت، وتنظف نفسك وتغسل ودنك عند اي دكتور قبل الكشف بيومين .
طب اى الكشوفات الل بتكون عليك ف اليوم ده :-
بيكون عليك :(طول ووزن - أنف وأذن وأسنان - نفسي - جراحة - جلدية - رمد - عمى ألوان - عظام )
أولاً : الطول والوزن
بالنسبة للوزن : فى نقطة مهمة جدا هنا وهي: مش لازم وزنك يبقى (طولك - ٩٠) بالظبط ممكن يبقى اكتر ب ٥ كيلو مثلا أو ١٠ كيلو أو أقل من كده ، بس فى الحالة دى بتتعرض على مستشار وبتقف قدامك وبيفضل يحركك يقولك ارفع ايدك أو لف ،أهم حاجه تنفخ نفسك كده قدامه لان الأهم من وزنك المناسب مع طولك إن جسمك يكون متناسق ورياضى ،لو كده هتعدى ان شاء الله متقلقش.
بالنسبة للطول :- هنا بأه لو كان طولك اقل من ١٧٠ بتتحول جوية ، ولو كان اكتر من ١٧٠ بس نظرك ٦/٦ بتترشح جوية برضو.
وبعدين فى واحد بييجى ياخدكو عشان تكملو باقى الاختبارات ودى مشبتقبى بالترتيب بتكون بالفاضى يعنى لو عيادة الجلدية مشغوبة والجراحه فاضية ، انت هتخش جراحه لحد م الجلدية تفضى وهكذا ..
ثانيا : أنف وأذن وأسنان
بالنسبة بأه للناس الل عندها مشكلة فى الأسنان أحب أقولك متقلقش الاختبار ده مش بيسقط حد قد كده، ولكن فى حالة إن عندك ضرس أو سن مخلوع ومأثر على مخارج الحروف دى بتتطلع بيها.
بالنسبة للأنف الل عنده اعوجاج بسيط فى الأنف بتروح لدكتور برة وفهمه انك بتقدم وكدا وهيقولك ع نوع قطرة تستخدمها مبتبينش حاجة .
بالنسبة للاذن لازم تغسلها عند دكتور برة ولو مغسلتهاش بيرجعك تانى .
ثالثا : النفسى
فى الكشف دى بيشوف انت الدغ ولا لأ عن طريق جمل زي (أمر أمير الأمراء بحفر بئر فى الصحراء ) او يقولك قول ٤٤ أو ٦٦ ..يعنى الاختبار بيعدى منه كلو الا الألدغ ونسبة نطقه للحروف معدومة .
رابعا : الجراحة
وده ملوش علاقه بالعمليات خالص ده بيشوف اذا كان عندك بواسير أو لأ ، وبيشوف الدوالى ، والعاده السرية من أكتر أسباب السقوط ف لازم تبطلها قبلها ب شهر ع الاقل.
خامسا :الجلدية
بيكشف عن أي امراض جلدية أو أي أثر لعمليات جراحة أو أثر لخياطة ، أما حب الشباب بياثر لو كان بكثرة فى الوجه، اما لو فى الضهر ف متقلقش لان غالبا بيدقق فى حاجه زي كده.
سادسا : الرمد
بتكون فى أوضه وقاعد على كرشى وفى آخر الأوضه موجود لوحة كدا والدكتور واقف جمبك بيقولك غمض عين فتح التانيه وبيكون معاه ليزر يشاورلك بيه على دواير صغيرة كدا .
سابعا : عمى الألوان
فى الكشف ده الدكتور معاه شوية بطاقات كده وفيها أرقام وانت تقول الرقم ده ، ولو عايز تعرف ازاي ابحث ع اليوتيوب وهيجيبلك نموذج من الاختبار .
ثامنا : العظام
ده المشكلة بأه واكتر الناس بتسقط منو الل عمدهم تقوص للرجلين او اليدين أو التصاق الفخذين هيقولك اقعد وربع وخلى رجلك تلمس الأرض وانت مربع وهيقولك اقف ع تراتيف صوابعك وغمض عينك عشان يشوف الأعصاب واوعى تقع ؛ فلازم تتدرب على ده كتير.
وبكده خلص أول يوم طبى .
اى الكشوفات اللى علينا فى تاتى يوم طبى ؟!
فى اليوم ده بتكشف على :(أشعة الصدر - قاع عين - موجات صوتية - قلب ورسم قلب)
والتحاليل فى العرض الطبى العام.
أولا : عيادة أشعة الصدر
ودى الل بيخرج منها الل عندو كسر فى الضلوع ةبعد كدده بتقعد تحت مظلة بيتحطلك قطرة قاع العين وبتفضل شوية بعدين تطلع فوق تكمل باقى الكشوفات.
ثانيا : قاع العين
ودى صعبة شوية بتطلع الناس الل عاملين عمليات تصحيح النظر، واعرف ناس كتير عاملاها من مدة كبيرة وطلعت.
ثالثا: عيادة الموجات الصوتية
ودى ملهاش التماس لل بيسقط فيها ، وقليل جدا الل بيطلع منها.
رابعا : قلب ورسم قلب
ودى لازم متتوترش فيها لان ده بيسرع ضربات القلب ، يعنى لو اتوترت بس هتسقط ، خليك راجل كده واعرف ان حلمك واقف ع اللحظه دى .
وبكده الطبى خلص ...بالتوفيق للجميع
----------------------------------------------------
أتمنى أكون أفدتكم ، ومتنساش تشير اللينك لصحابك عشان يعملو حسابهم ، ومستنى رأيك او استفسار ف كومنت ، والسلام عليكم ورحمة الله وبركاته.
Tags
أخبار