نصائح مهمة لزيادة فرصة قبولك بكلية الشرطة :-
سلام الله عليكم ورحمته وبركاته أحبتى متابعى مدونة 《3ZAB BLOG》 فى مصر . اليوم أقدم لكم أهم الشروط وبعض النصائح لزيادة فرصة قبولك فى كلية الشرطة . طبعا كلنا عارفين إن حلم الكثير من الناس هو القبول فى كلية الشرطة ، كلية الشرطة تعتبر مصنع للرجال ،يعنى عشان تقبل فيها لازم تبقى راجل بأخلاقك وحسن سلوكك قبل ما تكون راجل بجسمك وده ميمنعش إنك تكون راجل مفتول العضلات ولائق بدنيا ؛ لأن ده من الشروط الأساسية واللى هتعلى نسبة قبولك إن شاء الله. فأنا هقدم لكم النهارده بعض النصائح اللى هتساعدكم بشكل كبير جدا فى القبول وعن تجربة شخصية ، وقبل ده هنتكلم عن الشروط الأساسية اللى لازم تتوفر عشان تقبل وبعدين نخش فى النصائح المهمة جدا ..اقرأ للآخر .
الشروط الأساسية للتقدم لكلية الشرطة:-
لازم يتوفر فى الطالب المتقدم لكلية الشرطة بعض الشروط اللى نص عليها القانون رقم 91 لسنة 1975م والشروط هي :
1.لازم الطالب ووالده ووالدته يكونو مصريين أبا عن جد ، يعنى مينفعش يكون شخص سعودى مثلا ولسه جاي مصر ومغير الجنسية لمصري ويروح يقدم لأ ، لازم يكون مصري أبا عن جد ، وكمان مينفعش يكون معاه جنسيتين يعنى يكون أمريكى ومصري لأ برضو مينفعش هو مصري بس ، وكمان لو الطالب غير جنسيته يتفصل من الكلية .
2.لازم يكون الطالب المتقدم مخلص دراسة ثانوية عامة أو ما يعادلها من الدبلومات الأجنبية أو يكون معاه شهادة ثانوية أزهرية ويكون لسه واخد الشهادة السنه دى أو السنه الل فاتت، طب لو الشهادة واخدها السنه ال فاتت يبقى لازم يكون السنة دى مقيد فى كلية ، مع تقديم شهادة تثبت إنو كان فى كلية مع مراعاة النسبة المئوية لمجموع الدرجات إلا تقل عن ٦٥ % فى العامين .
3.وده عن تجربة شخصية بعتبرو من أهم الشروط الل تخليك تقبل وهو إنك تكون خلوق ومهذب، يعنى ظابط رفع صوته عليك عديها عشان تعدى ولو عسكرى حتى بلاش تتخانق خالص، ولا تقعد مع ناس بتكلم كتير عشان بدون مبالغه هتسقط ومتسألش ليه وازاي ؟ و أهم حاجه ألا يكون عليك حكم مسبق بعقوبة جنائية أو بعقوبة مقيدة للحرية فى جريمة مخلة بالشرف أو الأمانة انت أو أي حد من قرايبك لحد الدرجة الرابعة.
4.شرط أساسي عدم الزواج طول قيدك فى الكلية وتعتبر مفصولا لو اتجوزت خلال قيدك بالكلية والشرط ده لا يطبق على الضباط المتخصصين.
5.إنك متكونش اتفصلت من خدمة حكومية بحكم أو قرار تأديبى نهائى .
6.إن سنك ميزيدش عن ٢٢ سنه فى أول أكتوبر.
7.طولك ميقلش عن ١٧٠ سم ، مع مراعاة وزنك يكون مناسب لطولك (أقصى وزن = طول الطالب - ٩٠)
8.أن تقرر الجهة الطبية المتخصصة إن فيك الشروط المناسبة من لياقة صحية وبدنية ونفسية .
9.لازم تجتاز جميع الاختبارات المؤهلة للالتحاق بالكلية ..زي السمات والطبى واللياقة ..إلخ.
شااهد أيضا..اختبار السمات لكلية الحربية والشرطة وازاي تنجح
ملحوظة : أول ما تتخرج من كلية الشرطة إن شاء الله بتعمل تعهد إنك تفضل فى الخدمة مدة لا تقل عن عشر سنوات من تاريخ التخرج ، طب ولو خرجت قبل كده اى ال هيحصل .؟ الل هيحصل إنك هتدفع ضعف نفقات الدراسة الل الوزارة دفعتها ف تعليمك ..ده بالنسبة للخريجين . طب انا لسه فى الكلية ومتخرجتش بس عايز اطلع منها وبعذر غير مقبول ان الكلية مش عجباك مثلا هنا بأه لازم بالتضامن مع ولي الأمر بتدفع نفس النفقات الل الوزارة تحملتها فى تعليمك خلال فترة دراستك الأكاديمية .
طب لو انا هقدم كضابط متخصص ... هي هي نفس الشروط الل فاتت ما عدا الجواز فى فترة الدراسة ، وألا يكون مضى على حصول الطالب سنه من تاريخ تخرجه على اعتبار سنة الامتياز سنه دراسية ، ويكون الطالب لائق بطول أدنى ١٦٥سم ، وعرض صدر ٨٣ ، ووزن = الطول – ٩٠، وعمر أقصى ٢٨ سنه ، ودرجة الإبصار لا تقل عن النصف ويجتاز الاختبار البدني بما لا يقل عن ٤٠ % ويجتاز طبعا الاختبار النفسي علما بأنه لا يحق الإعادة.
وبكده خلصنا الشروط اللازمة والأساسية نخش على النصائح اللى هتساعدك جدا (ركز معايا) :-
وكمان متجريش خالص وانت رايح تكشف قلب خصوصا، لأن كده بتسرع ضربات قلبك فهتسقط ، طب لو اضطريت انى اجرى اعمل اى ؟ ..سهله ممكن تأكد على الطبيب إنك كنت بتجرى وتطلب منو إعادة كشف تانى مفيش مشكلة ودى برضو سهله .
-------------------
دلوقتى كلامنا خلص ولو محتاج تستفسر عن أي حاجه اكتب سؤالك فى التعليقات وهرد عليك فورا إن شاء الله، ولو عجبتك المقالة متنساش تفيد بها صحابك الل تعرفهم، والسلام عليكم ورحمة الله وبركاته.