الشروط الأساسية للتقدم للكلية الحربية:-
طبقا لما أقره نص القانون رقم 91 لسنة 1975 أنه من اللازم أن يتوفر فى الطالب المتقدم للكلية الحربية بعض الشروط وهي :
1- أن يكون الطالب المتقدم لدخول الكليه الحربيه وأبويه مصريين. بالمصري كده يعنى لازم الطالب ووالديه يكونو مصريين من الأب للجد، يعنى مينفعش يكون شخص مش مصري، مينفعش طبعا شخص لسه مسافر جديد لمصر ويغير جنسيته ويقدم لأ هيترفض، من اللازم إنه يكون مصرى من الأب للجد، ولو الطالب معاه جنسيتين مصر وفلسطينى مثلا، يتم رفضه.مع العلم إن الطالب لو غير جنسيته فى فترة تواجده فى الكلية الحربية يتم فصله فورا، وده ليه علاقة بالوفاء لتراب الوطن يعنى الجيش المصري لا يدخله إلا مصريين غيورين على أرضهم.
2- من اللازم أيضا أن يكون الطالب المتقدم للحربية المصرية انتهى من دراسته للثانوية العامة أو ما يعادل الثانوية من دبلومات أجنبيه، أو يكون مع الطالب شهادة ثانويه أزهرية لهذه السنة أو السنة السابقة، وإن كانت الشهادة للسنة السابقة فيجب عليه أن يكون مقيدا في أي كلية هذه السنه ما بين الشهادة وبين التقديم للكلية الحربية مع تقديم ما يثبت وجوده فى أي كلية،مع مراعاته للنسبة المئوية للمجموع الكلي للدرجات، بشرط ألا يقل المجموع الكلي عن ٦٥ % أو من الممكن تغيير النسبة المئوية للقبول على حسب السنة.
3- من أهم الشروط ألا يسبق عليك حكم سابق أو عقوبة جنائية أو مقيده للحريه أو جريمه مخله بالشرف والأمانه. (انت أو أي حد من قرايبك لحد الدرجة الرابعة). ويجب عليك كمتقدم أن تكون خلوقا ومهذبا وهادٍ إلى حد ما، (يعنى لو حصل وضابط أو عسكري رفع عليك صوته عديها عشان مش يعملك مشاكل، ومش هتلاقى كدت هناك أصلا بس لو حصل. بلاش تعمل خناقة نهائي، ولا تفضل تتكلم مع الناس كتير امشى بهدوء وخطوة سريعة، عشان بلا مبالغة، هتسقط وش ومتسألش ليه وازااي ؟)،
4- شرط أساسى عدم زواجك طول وجودك فى الكلية، وتعتبر مفصولا نهائيا لو تم زواجك خلال فترة تواجدك بالكلية، والشرط ده لا ينطبق طبعا على الظباط المتخصصين.
5- ألا يكون قد تم طردك وفصلك من خدمه حكوميه بحكم أو قرار تأديبى نهائى.
6- إن سنك لا يزيد عن ٢٢ سنة فى الأول من أكتوبر (ميعاد بدء الدراسة).
7- إن طولك لا يقل عن ١٧٠ سم، ومراعاة وزنك مناسبا لطولك (أقصى وزن للطالب = طول الطالب - ٩٠)، ولو انت غير كده وفر على نفسك مش هتقبل، الكلام ده عن تجربة شخصية.
8- أن تقر الجهه الطبية المتخصصه بتوافر الشروط المناسبه اللازمة من لياقة بدنية وصحية ونفسية.
9- يلزم على المتقدم اجتياز جميع الاختبارات المؤهله لالتحاق المتقدمين بالكلية الحربية..زي السمات والطبي واللياقة ..إلخ.
طب واى الأوراق المطلوبة للتقديم فى الكلية الحربية ؟!
