السلام عليكم ورحمة الله وبركاته أحبتى فى الله فى مصر والوطن العربي، أقدم لكم اليوم بعض النصائح لك كرياضى تمارس رياضة كمال الأجسام ؛ لتساعدك فى بناء جسم فولاذى فى أسرع وقت . وهي نصائح ل كيف تأخذ المكملات الغذائية؟ ومتى تأخذها؟ ؛ حتى لا تضر نفسك . وأتمنى أن تعجبكم هذه المقالة .
■ امتي أخد مكملات وازاى احسب الجرعه لجسمى :-
1- لما تكون مش بتاخد احتياج جسمك من بروتين من نظامك الغذائي هنا بنروح للمكمل علشان يكمل البروتين بس هنا لازم نكون عارفين نظام الغذائي فيه كام جرام بروتين لأن البروتين الزياده جسمك مش هيستفيد بيه وهيخرج كفضلات، الا لو كنت بتاخد هرمونات بنائية .
2- لما تكون واحد مش فاضي وعندك شغل او جامعه ومش عارف تاكل 5 وجبات ممكن هنا تلجأ للمكمل علشان يعوض النقص ده بإن مكمل بروتين سريع الامتصاص يعنى ف خلال ساعة هتكون مدخل 24 جرام بروتين وتاخد وجبه بعده يبقا وفرت كتير من احتياج جسمك من البروتين.
■ سؤال تاني مين الي يحتاج مكمل بروتين ؟
مثال : شخص وزنه 80 ك وطوله 175 وجسمه قابل لزيادة ده افضل مكمل ليه هو البروتين
شخص تاني جسمه نحيف وزنه 60 ك وطوله 180 ويقولك مكمل بروتين اه هو ينفعك بس مش هو ده الى ينفع معاك لانك محتاج مكمل زياده وزن الأول، وبعد كده تقدر تاخد مكمل البروتين. وان شاء الله هتكلم على مكمل الوزن فى مقالة تانية .
■ سؤال تالت تحسب ازي احتياج جسمك من البروتين ؟
اضرب وزنك في 2 بعد خصم نسبه الدهون
يعني وزنك 100 ونسبه دهون 20 % يبقا 80 كيلو × 2 = 160 جرام بروتين
تقسم ال 160 جرام بروتين مثلا على 3 وجبات كل وجبه 40 جرام × 3 = 120 ويتبقى 40 جرام ،يبقا انت محتاج تقريبا 2 اسكوب بروتين مع 3 وجبات .
■ ملحوظة : لو شايف إنك تقدر تسد نسبة البروتين المطلوبة لجسمك من خلال الأكل ف ده أكثر إفادة وأفضل وعشان تعرف نسبة البروتين فى المواد الغذائية ..اضغط هناا.
طب البروتين الحيواني موجود فين في الاكل🤔 ؟
موجود فى الفراخ واللحوم والسمك والبيض والجبنة واللبن .
طب والبروتين النباتى موجود فين فى الأكل 🤔 ؟
موجود فى البقوليات زي البطاطا والبطاطس والفول وموجود فى بعض الخضراوات والبذور زي العدس والفاصوليا .
طب موجود بنسبة كام فى ده وفى ده ؟
عشان تعرف النسبة كام ..اضغط هناا.
_____________________
مستنى منك كومنت لو عايز تستفسر عن حاجه انا تحت امرك ، او لو شايف اي ملحوظه انا غلطت فيها ممكن تقول رأيك ..أسعدنى مرورك .
Tags
رياضة