مفاهيم خطأ أثناء الرياضة يقع فيها الجميع ||مهم جدا لو بتلعب رياضة||-3ZAB

السلام عليكم ورحمة الله وبركاته أحبتى فى الله فى مصر والوطن العربي ، أقدم لكم اليوم مجموعة من الأخطاء التى يفعلها البعض أثناء القيام بالتمارين الرياضيه من كارديو وحديد وتخسيس.وكمان تصحيح للأخطاء دى عشان تساعدك فى بناء جسم قوى .

بعض الأخطاء الرياضية التى يقع فيها الجميع :-

⭕️الأكل بالليل مبيتخنش..والأكل عموما مبيتخنش إلا فى حالتين وهما : الأكل مع التمارين ؛لأن فى الحالة دى الأكل بيعمل على تضخيم العضلات وزيادة وزن الجسم وبالتالى بتتخن .

والحالة التانية : هي أكل المواد الدهنية ال faat food بشكل يومى وكتير ، لأن ده بيعمل على تراكم الدهون أسفل الجلد وبالتالى بتتخن . إنما الأكل بشكل طبيعى مش بيتخن الجسم بياخد ما يحتاجه والباقى بيخرج من الجسم كفضلات .

⭕️الميه علي الاكل مبتعملش كرش.. الميه على الأكل بتملى معدتك وبتحسسك بالشبع وبالتالى ممكن نعتبرها طريقة لفقدان الشهية وقلة الأكل أثناء الرجيم مثلا ..إنما مبتعملش كرش.

⭕️تمارين البطن الكتير مبتحرقش دهون ومبتنزلش الكرش.. تمارين البطن بتقوى عضلة البطن وبتكبرها إنما مش بتحرق الدهون الل ع البطن . أمال عضلات البطن تظهر ازاي ؟ كمل لل بعده ..

⭕️عضلات البطن بتظهر لما الدهون اللي عليها تخف ودا بتاثير الدايت والكارديو مش تمارين البطن ..يعنى تمرينك الكتير بيكبر العضله بس بتفضل تحت الدهون ومش باينه وبالتالى إنك تعمل دايت أو كارديو بتحرق الدهون وبالتالى العضلة بتظهر .طب يعنى ماكلش دهون خالص ولا اى ؟ كمل لل بعده ..

⭕️الدهون اساسيه زي البروتين مينفعش دايت زيرو فات.. وده لأن الدهون بتنتج طاقة للجسم ٥ أضعاف الكربوهيدرات والبروتين غير إن الجسم بيستهلك طاقة من الدهون قبل البروتين ، عشان كده الدهون مهمة بس الإفراط فى أكلها غلط ومضر .

⭕️مفيش تمرين معين يحرق دهون من منطقه معينه ،جسمك بيحرق بترتيب معين..والمفروض متستعجلش وانت ماشى على نظام تخسيس وشايف ان مفيش نتيجة .. لا فى نتيجة بس انت مش مركز مع باقى جسمك لأن كل همك البطن والدهون عليها ..فخلى عندك إرادة تكمل للآخر ومتستعجلش ، وهتلاقى نتيجة تعجبك.

⭕️مفيش مشروبات بتحرق الدهون والميه السخنه علي الريق مبتخسسش والزبادي باللمون اكل صحي بس مش حارق دهون ..لأن الأكل مبيحرقش الدهون دى حاجه لازم نعرفها فى أكل بيفقدك شهيتك ف بيخليك متاكلش ف بيخلى جسمك يحرق دهون تستخدمها لانتاج الطاقة لجسمك، بالتالى نسبة الدهون بتقل فتخس ، وبكده ممكن نقول إن الأكل من النوع ده بيخليك تخس بطريقة غير مباشرة .

شاهد أيضا..البروتين الباودر || امتى آخد المكملات وازاي ؟

⭕️مفيش اكل بيخسس واكل بيتخن الموضوع معادله رياضيه بسيطه بتدخل كام سعر وبتحرق كام سعر..وده الل بيعملة الأكل المفقد للشهية، انو بيخليك متاكلش وبالتالى متدخلش سعرات حرارية لجسمك ف تبدأ تستهلك سعرات حرارية من الدهون ف تحرق دهون وتخس . تقدر تقول إنك بتخس بطريقة غير مباشرة برضو.

⭕️الحديد افيد من الكارديو لحرق الدهون علي المدي البعيد..وده لأن كونك بتشيل أوزان بينشف جسمك بشكل كويس ولفترة أبعد ، وكمان بتستهلك طاقة أكبر ف شيل الحديد بالتالى بتحرق أكتر.. ف تقدر تقول إن أهم حاجه إنك تحرق دهون قبل م تكبر عضلات ؛ عشان كده تلاقى الشخص السمين بيخس الأول وبعدين يلعب على عضلات جسمه .

ملحوظة : أي دايت هدفه مده زمنيه محدده فاشل الصح تغير عاداتك الغذائيه باستمرار.

شاهد أيضا ..نسبة البروتين فى المواد الغذائية 
-------------

مستنى رأيك فى كومنت ولو احتاجت حاجة اسأل ف كومنت ونا هفييدك إن شاء الله..والسلام عليكم ورحمة الله وبركاته.