أجدع ناس ف العالم العربي 2022

اجدع ناس فى المجرة والمجرات المجاورة 

 السلام عليكم ورحمة الله وبركاته، فى السنوات الأخيرة الماضية لاحظت كثرة البحث عن اجدع شخص فى العالم بس زي م المثل بيقول (هتلف وتلف ..وفى الآخر هتترمى عندنا) ده مش مثل ولا حاجه عزيزى القارئ بس جذبا لانتباهك مش أكتر .

قائمة بأجدع ناس فى العالم العربي 2022

دلوقتى هعرض لكم قائمة مرتبة أبجديا تبعا للأسماء يبدأ القايمه دى عمك وعم عيالك ..

1- أحمد محمد محمد الرشيدى (وشهرته الرشيدى)

                                                                                                                                صورة أرشيفيه أثناء وجود الرشيدى فى حنة فى وسط العزبة لابسا للجاكيت الجلد

  

الرشيدى يعنى أكبر واحد فينا سنا وأقصرنا طولا يعنى الحكيم بتاعنا الل مبيرضاش يتصور ،يعنى نجم كلية العلوم جامعة الزقازيق يعنى الأمل الوحيد لعزبة الخمسين فى جعلها مركز ثقافى ومزار سياحى متميز ،والذى قال فيه زويل مقولته المشهورة "هذا الطالب أخطط لحصوله على جائزة نوبل"   

2- محمد أسامة نبوى فرج (وشهرته نبوى)   

                                                                            

نبوى يعنى الكورة يعنى نجم القبلية، وعندما يذكر نبوى يلاحظ رعشة فى ايدى حراس المرمى رعشةً من كبرى القبلية لكبرى الخمسين، نبوى يعنى رائد الفصل من ١ ابتدائى لحد ٣ اعدادى، وسرق منه اللقب فى بداية مشواره الثانوى نظرا للحقد عليه وبعض الصراعات الداخليه فى مدرسة بردين الثانوية، نبوى يعنى أمل كلية الزراعة يعنى الأمل الأخير فى إنقاذ البشرية من الجوع يعنى رائد قسم الجينات النباتية الذى يهدف إلى انتاج سلالة من نبات الفول اكثر انتاجا وتصديرها للعزب المجاورة وللحاج احمد العزب.

3- محمد عزت مهدى السيد (وشهرته عزت)

                                                                              

عزت يعنى المليونير القادم، وأينما ذكر عزت ذكرت الجدعنه والرجولة ، عديت عليه مره ف الفرع بتاعه بقوله عايز ١٥ جنيه بعتلى ٥٠ جنيه، عزت يعنى مفيش خوف من النهارده على مشروع الكتاكيت الل بنخططله، لان عزت بيدرس فى كلية التجارة جامعة الزقازيق قسم ادارة اعمال، عزت صاحب المقولة الشهيره "عزت مش بس راجل أعمال ...عزت فى كل حاجه شغال"

4- يوسف وحيد محمد غريب( وشهرته جو)  

                                                                              

                                                                         يوسف موجود على اليمين عشان ملوش فى الشمال

جو يعنى صاحب اكبر شركة هكر على مستوى عزبة بردين والعزب المجاورة، يعنى تسلا القادم. لو شايل هم موقع ويب ..طب شايل هم اي الكترونيات ف بيتك ...مستنى اى شفلك اي مبرمج لان جو مش هينفعك فى حاجه، نصيحة قد تبدو بسيطه ولكن فى باطنها العذاب. جو يعنى علوم قسم كمبيوتر ساينس مش علوم حاسب لأ كمبيوتر ساينس ، يعنى مستقبل البرمجه in his hand يعنى المترجم الرسمي للشله، يعنى تاكل عنده احلى طبق فول وان كان فى نقص فى موارد الخبز بس شغااال . 

فى النهاية مكنش ينفع ننهى من غير الملك ، الأفضل على الإطلاق والذى لم يقل فيه زويل ولا طه حسين أي شيء ؛ عشان الجامد محدش بيتكلم عنه. 

5- أحمد السيد أحمد محمد (وشهرته ابو السيد)

                                                                             

تلف وتلف وتلف وابو السيد واحد بس ، ابو السيد يعنى الحمد لله مستورة، يعنى دكترة المجرة ومنقذ البشرية الوحيد والأحد والوحدانى على هذه المجرة، يعنى اجزخانه ، يعنى دارى مهما تدارى مسيرك هتوريهالى .