كورسات مجانية لتعلم اللغة الانجليزية (من البيت):
السلام عليكم ورحمة الله وبركاته، مبدئيا كده حابب أقولك
إنك مش لازم تروح كورس بمبلغ قد كده عشان تتعلم اللغة الانجليزية أو أي لغة جديده
عليك عموما، وحقيقى بستغرب من الناس الل بتسألنى عن كورسات بسعر كويس عشان تقوى
اللغة وسايبين المحتوى الجبار الل بتقدمه الكثير من القنوات والتطبيقات المشروحة
على الإنترنت. يعنى ممكن تتعلم اللغة الإنجليزية أو أي لغة وانت مكانك فى البيت اون لاين من
غير أي فلوس..طب إزااي ؟
أولا لازم تعرف المهارات الل لازم تتوافر عشان تتعلم لغة
جديدة ونقدر نقول إنك بقيت متقن لها. أربع مهارات أساسية لا يمكن تجاهل واحدة على
حساب التانية، وهما (الاستماع والتحدث والقراءة والكتابة). وطبعا أهمهم والل لازم
تبدأ بيهم هما القراءة والكتابة. وده عشان تقدر تحصل أكبر قدر ممكن من الكلمات
والجرامر الل هتتكلم بيها(التحدث)، أو تفهم الل عايز يقولك حاجه (الاستماع).
خطوة خطوة هتفهم تشتغل وتبدأ من الصفر ازاي بس خليك
معايا للآخر.
１- الكتابة والقراءة :
عشان تقدر تكتب لازم تعرف الحروف وإزاي تجمع كلمات وإزاي تكتب وفقا لقواعد اللغة وإزاي تقرأ وفقا لمخارج الحروف ومن أفضل الكورسات المجانية ال هتعلمك ازاي تقرأ وتكتب من الصفر، الكورس الذى لا غنى عنه وهو ZaAmerican English وعشان تخش عليه اضغط هنا
وعشان تعرف تبدأ وتمشى فيه إزاي اضغط هنا
لتحميل أهم الروايات المترجمة التى تساعدك على تنمية مهارة القراءة اضغط هنا
２- الاستماع :
.....مهم جدا إنك تتعلم اللهجة الل أصحاب اللغة بيتكلمو بيها وده عن طريق إنك تسمعهم بيتكلمو إزاي وتحاول تقلدهم، طب هلاقيهم بيتكلمو فين مثلا ؟
- قناة BBC Learning English: وده كورس مقدم من الإذاعة الأمريكية BBC بيقدمو فى تعليم بسيط مع كلمات بسيطة يسهل على المستمع الأجنبى فهمها، وهتلاقى ليه موقع على جوجل وأبلكيشن على جوجل بلاي.
- قناة :The Voise of America كورس أمريكى مجانى عبارة عن محادثات يومية ومترجمة تحت كل فيديو بحيث تقراها لوحدك وتطلع تسمع الفيديو باللهجة الأمريكية وهتعلمك كتير عن تجربة ،وهتلاقى لينك الكورس هنا
３- التحدث :
م...من أكثر المهارات المهمة، وهي عبارة عن تطبيق كل الل تعلمته من مهارات وتحاول تجمعها وتتكلم لغة صحيحة وده هيتم إنك تتكلم مع متحدثين للغة طب هتلاقى حد متحدث اللغه دى منين ؟ فى تطبيق اسمه ELSA SPEAK وده تطبيق شغال بالذكاء الاصطناعي، يقدر يصحح نطقك للكلام بدقة عاليه جدا ويعرفك الحرف الل بيخرج منك بطريقة خطأ ويصلحه لك وحقيقى خدمنى كتير جدا لازم تجربوه.
أنتظر تعليقك تعقيبا أو, سؤالا عن أي كورسات للغات أخرى.
جميل شكرا
ردحذف♥️♥️
حذف